“BRICS Sports Games Kazan 2024” Beynəlxalq Multi-İdman Yarışlarının Açılış Mərasimi Keçirildi
Rusiyanın Kazan şəhərində “BRICS Sports Games Kazan 2024” beynəlxalq multi-idman yarışlarının açılışı baş tutdu.
Report xəbər verir ki, mərasimdə Tatarıstan Respublikasının prezidenti Rüstəm Minnexanov və Rusiyanın idman naziri Mixail Deqtyaryov çıxış etdilər.
Rusiyanın inkişaf tarixini göstərən videonun nümayişindən sonra iştirakçı ölkələrin bayraqları səhnədə təqdim edildi. Azərbaycan bayrağını avarçəkmə üzrə “Amber Oars” beynəlxalq reqatasının gümüş və bürünc mükafatçısı, “Prezident Kuboku 2015” beynəlxalq reqatasının qızıl mükafatçısı Ziya Məmmədzadə daşıdı.
Daha sonra Rusiya Federasiyasının Prezidenti Vladimir Putin videomüraciətlə iştirakçılara uğurlar dilədi və yarışları açıq elan etdi.
90-dan çox ölkədən 3000-dən çox idmançının yarışacağı oyunlara daxil olan növlərin təqlid olunduğu rəqslər təqdim edildi.
Sonda idmançılar və hakimlər and içdilər və tədbir konsert proqramı ilə davam etdi
