Azərbaycan ağırlıqqaldıranı Elman Kurdanov Yunanıstanın Saloniki şəhərində keçirilən Avropa çempionatında uğurla çıxış edib

O, 15 və 17 yaşadək yeniyetmələr arasında keçirilən yarışmada 3 medal qazanıb.

Azərbaycan Ağırlıqqaldırma Federasiyasının verdiyi məlumata əsasən, Elman birdən qaldırma hərəkətində 100 kq-ı qaldıraraq bürünc medal əldə edib. Təkanla qaldırma hərəkətində isə 124 kq-ı baş üzərinə qaldıraraq gümüş medal qazanıb. Toplam 224 kq (100+124) nəticə ilə yekun sıralamada da gümüş medal sahibinə çevrilib.

Qeyd etmək lazımdır ki, bu yarışda 38 ölkədən 415 idmançı (198 qız və 217 oğlan) iştirak edib. Elman Kurdanovun nailiyyətləri Azərbaycanın ağırlıqqaldırma sahəsindəki potensialını bir daha sübut edir.