“Barselona” klubunun hücumçusu Rafinya karyerasını başa vurmağa hazırlaşır
İspaniyanın məşhur “Barselona” klubunun hücumçusu və Braziliya millisinin üzvü Rafinya, karyerasını sonlandırmağı planlaşdırır. Bu məlumat “Football Espana”ya istinadən yayılıb və 27 yaşlı futbolçunun öz sözlərinə əsaslanır.
Rafinya qərarının səbəbi kimi psixoloji çətinlikləri və tənqidlərin təsirini göstərib. O bildirib ki, “Şəxsi həyatımdakı və peşəkar karyeramdakı problemlər məni hər şeyi tərk etməyə vadar edir. Artıq futbolu buraxmağı ciddi şəkildə düşünürəm. Çünki psixoloji problemlərin, çətinliklərin və medianın, eləcə də azarkeşlərin təzyiqlərinin öhdəsindən gələ bilmirəm.”
Futbolçunun bu qərarı çoxlarını təəccübləndirib, çünki Rafinya nisbətən gənc yaşda belə bir addım atmağı qərara alıb. Rafinya, xüsusilə azarkeşlərin və medianın tənqidlərinə qarşı həssas olduğunu vurğulayıb. Bu cür təzyiqlərin onun psixoloji vəziyyətinə ciddi təsir göstərdiyini qeyd edib.
Qeyd etmək lazımdır ki, Rafinya 2022-ci ilin yayında 58 milyon avro qarşılığında İngiltərənin “Lids” klubundan “Barselona”ya transfer olunmuşdu. Bu transfer futbol dünyasında böyük səs-küyə səbəb olmuşdu və Rafinya “Barselona”nın əsas hücumçularından biri kimi gözlənilirdi.
Rafinyanın karyerasını sonlandırmaq qərarı, yalnız “Barselona” üçün deyil, həm də Braziliya milli komandası üçün böyük itki olacaq. Onun bu qərarı qəbul etməsində psixoloji problemlərin əsas rol oynadığı açıq şəkildə görünür. Futbolçunun bu vəziyyətdən çıxmaq üçün hansı addımları atacağı və gələcəkdə yenidən futbola dönüb-dönməyəcəyi hələ ki, məlum deyil.
